काठमाडौं । ‘बाबरी’ निर्मात्री पुष्पलता बुढाथोकीले नयाँ फिल्म निर्माण घोषणा गरेकी छन् । आफू निर्मित पहिलो फिल्म रिलिज नहुँदै बुढाथोकीले नयाँ अनटाइटल प्रोजेक्टको घोषणा गरेकी हुन् ।
फिल्ममा मुख्य कलाकारको रुपमा ‘बाबरी’का धिरज मगर र अदिति बुढाथोकी फाइनल भएका छन् । ‘बाबरी’ आउँदो असोज १४ देखि सार्वजनिक प्रदर्शनमा आउँदैछ ।
पुष्पलताका अनुसार अहिले स्क्रिप्ट लेखनको काम भैरहेको छ । यस अनटाइटल प्रोजेक्टको लागि हाललाई निर्देशकको नाम गोप्य राखिएको निर्मात्री बुढाथोकीले बताइन् ।
आगामी फागुनदेखि फ्लोरमा जाने फिल्मको क्रु बिस्तारै सार्वजनिक गर्दै जाने उनले बताइन् ।
पुष्पलता निर्मित ‘बाबरी’ यतिबेला चर्चामा छ । फिल्ममा समावेश ‘बाबरी रंग’ र ‘चुलबुल चुलबुल’ गीत हिट भैसकेका छन् । ११ लाख भ्युज पाइसकेको ट्रेलरमा दर्शकले सकारात्मक प्रतिक्रिया दिएका छन् । सुरेन्द्र पौडेल निर्देशित फिल्ममा धिरज र अदितिसंगै धिरज नाडकरको मुख्य भूमिका छ ।
