काठमाडौं । सुरक्षा पन्तको शीर्ष भूमिका रहेको चलचित्र ‘बुलाकी’ फागुनमा प्रदर्शनमा आउने भएको छ । यसअघि कात्र्तिक १८ गतेदेखि प्रदर्शन हुने भनिएको चलचित्र अब फागुन १९ मा प्रदर्शनमा आउने भएको हो । मंगलबार चलचित्रको नयाँ पोष्टर सार्वजनिक गर्दै नयाँ प्रदर्शन मिति घोषणा गरिएको हो ।
मंसिरमा हुन लागेको निर्वाचनलाई दृष्टिगत गर्दै चलचित्र फागुन १९ मा सारिएको निर्माता टोपेन्द्र बिष्टले जानकारी दिए ।
लक्ष्मण सुनारको निर्देशन रहेको ‘बुलाकी’मा सुरक्षाका अलावा नरेन खड्का र बिराज विष्ट मुख्य भूमिकामा छन् । चलचित्रले फस्टलुक पोष्टरबाटै राम्रो चर्चा बटुलिसकेको छ । फागुन १९ लाई यसअघि ‘वर एण्ड वधु’ र ‘परस्त्री’ले प्रदर्शन मितिको रुपमा तय गरिसकेका छन् ।
