काठमाडौ। चलचित्र ‘हिड्दा हिड्दै’को फर्स्टलुक पोस्टर संगै प्रदर्शन मिति सार्वजनिक गरिएको छ। प्रेमकथानक चलचित्र माघ २० गतेबाट सार्वजनिक प्रदर्शनमा आउने भएको छ। चलचित्रका प्रस्तुतकर्ता सुशील पंगेनी हुन् । चलचित्रलाई मिलन आले मगरले निर्देशन गरेका हुन् । प्रस्तुतकर्ता पंगेनीकै लेखन रहेको चलचित्रमा आकाश श्रेष्ठ,नवअभिनेत्री रेखा शाह, सलोन बस्नेत,सानिया खान,बिकास थापामगर,बिबेक रामदाम,ममता पौडेल लगायतका कलाकारको अभिनय रहेको छ ।
‘हिड्दा हिड्दै’ को निर्मातामा प्रमोदकुमार तामाङ,राजकुमार थिङ र पारस गुरुङ रहेका छन् । महादेव शाह सहनिर्माता रहेको चलचित्रमा सुमन तण्डुकारको छायांकन, बसन्त सापकोटा र किरण माइकलको संगीत,देव महर्जनको द्धन्द्ध निर्देशन र कबिराज गहतराजको कोरियोग्राफी रहेको छ । चलचित्रमा युवापुस्तामा मौलाइरहेको प्रेम र समर्पणको कथा प्रस्तुत गरिएको निर्माण टिमले बताएको छ । चलचित्र वितरणको जिम्मा आर आर फिल्म्सले लिएको छ।
