प्रदीपको ‘प्रकाश’ भाद्र १० मा नेपाल सहित विश्वका धेरै देशमा एकसाथ प्रदर्शन हुने


काठमाडौं। प्रदीप खड्का अभिनित चलचित्र ‘प्रकाश’ भाद्र १० गतेबाट नेपाल सहित बिभिन्न देशमा एकसाथ प्रदर्शनमा आउने भएको छ । महङ्गो रकममा बिदेश राइट्स बेचेको बिनिस इन्टटेनमेण्टले नेपाल सहित भारत, अष्ट्रेलिया, न्यूजल्याण्ड, युरोप, जापान, अमेरिका, क्यानडा र मिडिलइष्टमा एकसाथ सिनेमा प्रदर्शन हुने जानकारी दिएको छ ।

ती देशहरुमा प्रदर्शन राइट्स एक करोड ७२ लाखमा बिक्री भएको हो । साथै अन्य केही देशहरुबाट पनि माग भइरहेको र छिट्टै नै टुङ्गो लाग्ने निर्माता महेन्द्र अधिकारीले जनाएका छन् । दिनेश राउतको निर्देशन रहेको चलचित्रमा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय रहेको छ ।

चलचित्रले शिक्षक बन्न एक युवाले गर्ने संघर्षको कथा भनेको छ । मुख्य पात्रका माध्यमबाट बर्गिय विभेदको कुरा पनि उठाइएको छ । बिकास सुबेदीको लेखन रहेको सिनेमाको पोस्टर रिलिज देखिनै प्रकाशको चर्चा बढ्दो छ । अझ टिजर र सार्वजनिक दुई गीतले प्रकाशले दर्शकमाझ हाइप बनाएको छ । सिनेमाको सार्वजनिक पोष्टर, गीत र टिजरको हाइप क्रियट गरेसँगै बिदेश राइट्स बिक्री भएको हो ।

सिनेमामा राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, उत्तम न्यौपानेको साउण्ड डिजाइन र शैलेश श्रेष्ठको पाश्र्व संगीत रहेको छ । चलचित्रको डिजिटल राइट्स डिएआर मुभिजले खरिद गरेको छ। महेन्द्र अधिकारी निर्माता रहेको सिनेमालाई आरआर फिल्मस्का रोहित कट्टेल र रत्न श्रेष्ठले वितरण गर्दैछन् ।