प्रेमी शरदसँग इन्दिराले गरिन् विवाह, भनिन् – अब आधिकारीक रुपमा पति– पत्नी

काठमाडौं । लोकप्रिय गायिका इन्दिरा जोशीले विवाह गरेकी छिन् । उनले प्रेमी शरद केडियासँग मंगलबार विवाह गरेकी हुन् । उनीहरुको विवाह चितवनको बाराही जंगल लजमा भएको हो । विवाहको तस्वीर सार्वजनिक गर्दै इन्दिराले अब आफूहरु आधिकारीक रुपमा पति र पत्नी भएको लेखेकी छिन् ।

आइतबार मेहेन्दी उत्सव गरेकी इन्दिराले मंगलबार विवाह गर्न लागेको जानकारी दिएकी थिइन् । इन्दिरा र पेशाले फेसन डिजाइनर शरद तीन वर्षदेखि प्रेम सम्बन्धमा रहेका थिए ।

उनीहरुले गतवर्ष सगरमाथा क्षेत्रको नाम्चेमा पुगेर इन्गेजमेन्ट गरेका थिए ।