काठमाडौं । लेखक तथा अभिनेता खगेन्द्र लामिछानेको डेब्यू निर्देशन रहेको चलचित्र ‘पानीफोटो’को फस्टलुक सार्वजनिक गरिएको छ । निर्माण टिमले फस्टलुकका रुपमा चलचित्रको डाइनामिक मोसन पोष्टर रिलिज गरेको हो । बेपत्ता छोराका पर्खाइमा बसेका बाबुआमाको कथा भन्ने ‘पानीफोटो’ साउन १३ गतेदेखि देशव्यापी प्रदर्शनमा आउँदैछ ।
चलचित्रमा अनुप बराल, मेनुका प्रधान, मलिका महत, खगेन्द्र लामिछाने, प्रकाश घिमिरे, माओत्से गुरुङ, बुद्धि तामाङ, रमेश अधिकारी, कमलमणी नेपाल, अनुज पाण्डे, राधा श्रेष्ठ, श्यामकुमार खड्का लगायतका कलाकारहरुको अभिनय छ ।
‘पशुपति प्रसाद’ र ‘धनपती’ जस्ता नेपाली मौलिक स्वादका चलचित्रहरुको निर्माण गरेको टुकी आर्टस् प्रा.लिले मञ्जुश्री फिल्मस् प्रोडक्सनसँगको सहकार्यमा ‘पानीफोटो’ निर्माण गरेको हो । चलचित्रको निर्माता रोजिना सिटौला र रबिन्द्र बज्राचार्य हुन् । दीपक बज्राचार्यको छायाँकन रहेको चलचित्रलाई निमेष श्रेष्ठले सम्पादन गरेका हुन् ।
