काठमाडौं । फिल्म ‘डाँडाको वरपीपल २’ निर्माण हुने भएको छ । शोभित बस्नेतको निर्देशनमा फिल्म निर्माण हुने भएको हो । यद्यपि शोभितको निर्देशन, सलोन बस्नेत र रुविना थापाको मुख्य भूमिका रहेको फिल्म ‘डाँडाको वरपीपल’ भने हलमा सुपर फ्लप भएको थियो ।
हलमा दर्शकको उपस्थति कमजोर देखिएपनि युट्युबमा सकारात्मक प्रतिक्रियासहित उल्लेख्य भ्युज आएकाले यो फिल्मको सिक्वेल बनाउन लागिएको शोभितले बताएका छन् । फिल्मबाट अन्य केही टुंगो भने लागिनसकेको उनले बताए ।
गत असोजमा हलमा प्रदर्शनमा आएको ‘डाँडाको वरपीपल’ केही दिनअघि युट्युबमा सार्वजनिक गरिएको छ । फिल्मले राम्रो भ्युज पाउँदै ट्रेन्डिङको शीर्ष स्थान कब्जा गरिरहेको छ ।
