लक्ष्मी र जीवन अभिनित ‘जात’ सार्वजनिक

काठमाडौं । ‘जात’ बोलको गीतको म्युजिक भिडियो सार्वजनिक गरिएको छ ।

डिएआर मुभिजको प्रस्तुती रहेको गीतमा प्रभावन जे को शब्द, संगीत एवं एरेन्ज छ । रामकुमार नेपाली र बेनिशा पौडेलले स्वर दिएको गीतको भिडियो सोमबार डिएआर डिजिटल युट्युब च्यानलमार्फत सार्वजनिक गरिएको हो । गीतको भिडियोलाई अभिनेत्री लक्ष्मी बर्देवाले निर्देशन गरेकी हुन् । भिडियोमा अन्तरजातिय विवाह गरेको ‘रियल जोडी’ लक्ष्मी बर्देवा र जीवन भट्टराईले अभिनय गरेका छन् । गीतको भिडियोमा भने जातिय विभेदले छुटेको प्रेमकथालाई देखाउन खोजिएको छ ।
ज्ञानेन्द्र शर्मा हुँमागाईको छायाँकन रहेको भिडियोलाई कृष्ण गौतमले सम्पादन गरेका हुन् ।
गीत र भिडियोलाई स्रोता दर्शकले रुचाउने विश्वास लिइएको छ ।