काटमाडौं। एबी इन्टरनेश्नलको ब्यानरमा निर्माण हुने चलचित्र’लण्डन टु पेरिस’मा मोडल तथा अभिनेत्री गरिमा शर्मा अनुबन्धित भएकी छन् । यो उनको डेव्यु चलचित्र हो । केही समयअघि नै निर्माण टिम र अभिनेत्री शर्माबीच लिखित सम्झौता भएको थियो ।
थुप्रै म्युजिक भिडियोमा अभिनय गरिसकेकी छन् शर्मा यो चलचित्रले नेपाली सिने क्षेत्रमा आफ्नो उपस्थिति दरिलो हुनेमा बिस्वस्त छिन् । निर्माण टिमका अनुसार चलचित्रमा गरिमाको महत्वपुर्ण भुमिका रहेको छ ।
आधुनिक प्रेमकथामा निर्माण हुने चलचित्रमा यसअघि नै अभिनेत्री साम्राज्ञी राज्यलक्ष्मी शाह फाइनल भैसकेकी छन् । निर्माण टिमले दिएको जानकारी अनुसार सिनेमाको मुख्य अभिनेता समेत फाइनल भैसकेका छन् । चाँडै एक फर्स्टलुक पोस्टर सहित अभिनेता सार्वजनिक गर्ने तयारी निर्माण टिमको छ ।
घनश्याम लामिछानेको निर्देशनमा निर्माण हुने चलचित्रका केही दिन यता कान्तिपुर फिल्म एकेडेमीमा वर्कसप चलिरहेको छ । निर्देशक लामिछानेले यसअघि ‘धौली, अग्निदहन र पञ्चेबाजा’ जस्ता समिक्षकले रुचाएका सिनेमा निर्देशन गरिसकेका छन् । सिनेमाको कथा, पटकथा तथा संवाद प्रदीप भारद्धाजले लेखेका हुन् । सिनेमा असारको दोस्रो साताबाट फ्लोरमा जाने छ ।
अमित बस्नेत, अजित कुमार थापा, परी राना, अंकित गौतम, सनिश खकुरेल निर्माता रहेको सिनेमाका सह-निर्माता अजित सिंह हुन् । एबी इन्टरनेशनलले निर्माण गरेको सिनेमा ‘सम्हालिन्छ कहिले मन’ प्रदर्शनको तयारीमा छ । भने यही टिमले अहिले बेलायतका विभिन्न सहरमा ‘हनी बनी’को छायांकन गरिरहेको छ ।
