काठमाडौं । अभिनेता अनमोल केसी र अभिनेत्री सुहाना थापा स्टारर फिल्म ‘ए मेरो हजुर ४’ दशैंभरका हलमा प्रदर्शनमा आएको छ । प्रेमकथामा आधारित फिल्म नयाँ वर्षको अवसर पारेर आज (बिहीबार)देखि प्रदर्शनमा आएको हो ।
सुनिलकुमार थापाको निर्माण, झरना थापाको निर्देशनमा तयार फिल्ममा अनमोल र सुहानाका साथमा अभिनेता सलोन बस्नेतको समेत शीर्ष भूमिका छ ।
फिल्म प्रदर्शनको पूर्वसन्ध्यामा बुधबार साँझ राजधानीको बिग मुभिजमा प्रिमियर समेत गरिएको थियो । जहाँ नेपाली फिल्म क्षेत्रका दर्जनौं कलाकर्मीको उपस्थिति थियो । फिल्म हेरिसकेपछि अधिकांशले राम्रो प्रतिक्रिया दिएका छन् । अनमोल र सुहानाको अभिनयमा अझ निखारता फिल्मकर्मीले बताएका छन् । ब्राण्ड ब्यानरको निर्माण, दर्शकले रुचाएका कलाकारका कारण ‘ए मेरो हजुर ४’लाई निकै प्रतिक्षित रुपमा हेरिएको थियो ।
बिहीबारदेखि नै ‘ए मेरो हजुर ४’सँग दक्षिण भारतीय फिल्म ‘केजीएफ च्याप्टर २’ पनि प्रदर्शनमा आएको छ ।
