कर्मा अभिनित ‘षट्कोण’को टिजर रिलिज

काठमाडौं । नेपाली कथानक चलचित्र ‘षट्कोण’को टिजर सार्वजनिक गरिएको छ । कर्मा र भोलाराज सापकोटाको शीर्ष भूमिका रहेको चलचित्रको बुधबार टिजर सार्वजनिक गरिएको हो ।

मनोवैज्ञानिक थ्रिलर जनरामा बनेको चलचित्रको ५४ सेकेन्डको टिजरले दर्शकमा कौतूहलता सिर्जना गर्छ । चलचित्रमा कर्मा पत्रकारको भूमिकामा रहेको टिजरबाट बुझ्न सकिन्छ । चलचित्र वैशाख २३ गतेदेखि प्रदर्शनमा आउने चलचित्रलाई मिलन डि काप्रीले निर्देशन गरेका हुन् । चलचित्रमा कर्मा र भोलाराजका साथमा लोकेन्द्र लेखक, सुयशा अधिकारी, विराज कडरिया, शिशिर लिम्बु लगायतका कलाकारहरुको अभिनय छ ।

शिशिर लिम्बुको कथा रहेको चलचित्रको निर्माता विराज कडरिया हुन् ।