काठमाडौं । आगामी बैशाख १६ गते बाट प्रदर्शनमा आउने तयारीमा रहेको चलचित्रकि मुख्य अभिनेत्री दिया पुन र गायक राजु लामाले सगरमाथा आरोहण गर्दैछन् । अभिनेत्री दीया पुनले ६ तारिखबाट आरोहण यात्रा थाल्नेछिन् भने राजु लामाले १० तारिखबाट बेस क्याम्पको यात्रा थाल्ने जानकारी दिएका छन् । अभिनेत्री दीया पुनले विश्वकै अग्ला सात हिमाल चढ्ने लक्ष्यअनुसार सगरमाथा चढ्न लागेको बताइन् ।
दीयाले एलिट एक्सपेडिसनसँग मिलेर सगरमाथा आरोहण गर्दैछिन् । निर्मल पुर्जाको कम्पनि हो एलिट एक्सपेडिसन । नेटफ्लिक्समा केही महिना अघि सार्वजनिक सिनेमा ‘१४ पिक्स’ मार्फत निर्मल विश्वभर चिनिएका थिए ।
यस्तै, मंगोलिय हार्ट ब्याण्डका मुख्य भोकलिस्ट राजु लामाले वातावरण परिवर्तनका असरबोर जनचेतना जगाउन पनि आफू हिमाल आरोहण गर्न लागेको बताए । उनले आरोहणकै दौरानमा सगरमाथाको दोस्रो आधार शिविरमा कन्सर्ट पनि गर्न लागेको जानकारी दिए । गायक लामा गितारसहित सगरमाथा आरोहण गर्दैछन् ।
अभिनेत्री दीया पुनले ‘वीर विक्रम’बाट अभिनयमा डेब्यु गरेकी थिइन् । अभिनेत्री दीया पुन र राजु लामाले फरक फरक उदेश्यका साथ सगरमाथा आरोहण गर्दैछन ।
