काठमाडौँ। अभिनेता मनीष राउत र गौरव पहारीको मुख्य भुमिका रहने चलचित्र ‘शमशेर’मा कमेडी च्याम्पियनको पहिलो सिजनका विजेता हीमेश पन्त र अभिनेता सुमन गौतम अनुबन्धित भएका छन् । हाल सिनेमाको लागि मुख्य अभिनेत्रीको खोजी भैरहेको निर्माण टिमले जनाएको छ । एक्सन जनरामा निर्माण गरिनेमा एभरेष्ट फिल्म एकेडेमी र डी आर डेनिमको व्यानरको लगानी रहनेछ । चलचित्रमा अभिनय गर्न लागेका हिमेश र सुमनको भुमिका कस्तो रहनेछ भन्ने चाहीँ खुलाइएको छैन। सार्वजनिक लुक्समा उनीहरुलाई निकै फरक चरित्रमा प्रस्तुत गर्न लागिएको बुझ्न सकिन्छ ।
चलचित्रको छायाँकन काठमाडौँ, दुबई, सोलुखुम्बु र ढोरपाटनमा गरिनेछ । सीबड्र्स इन्टरटेनमेन्ट र धिरज प्रोडक्सनको सहकार्य रहने चलचित्रमा सुमन थापा, सबिन शाक्य, रुपेश कार्की, रुपेश लामा, आशिस पराजुली लगायतका कलाकारको पनि अभिनय हुनेछ । राकेश दाहालको पोस्टर डिजाइन रहेको चलचित्रका गीतमा अर्जुन पोखरेलको संगीत रहनेछ ।
