काठमाडौँ। मिलन चाम्सको निर्देशनमा बन्न लागेको चलचित्र ‘वर एण्ड वधु’ को मुख्य भूमिकाको लागि विवेक कर्मचार्य अनुबन्ध भएका छन् । निर्माण युनिटले अभिनेत्री आँचल शर्माको जोडीको रुपमा कर्मचार्यलाई अनुबन्ध गरेको हो । विवेकले माला आर्टस एकेडेमीबाट अभिनयमा स्नातक गरेका हुन् ।
चलचित्र‘वर एण्ड वधु’ को छायांकन अव केही दिनमा सुरु हुने निर्देशक चाम्सले बताए । एल आर के इन्टरटेन्मेन्टकोे ब्यानरमा निर्माण हुन लागेको चलचित्रले कमेडी र प्रेमकथालाई आफ्नो बिषयबस्तु बनाएको छ । चलचित्रको अन्य कलाकार र प्राविधिक टोली भने छायांकन समयमा सार्वजनिक गर्ने निर्माण युनिटले जनाएको छ ।
