काठमाडौँ। बेल्जियमकी अभिनेत्री केरोलिन कोलिन्डा अहिले नेपालमा छिन् । चलचित्र ‘लप्पन छप्पन २’ को प्रदर्शनका लागि सोमबार नेपाल आएकी हुन् । चलचित्र ‘लप्पन छप्पन २’ मा उनको पनि अभिनय रहेको छ । अभिनेत्री कोलिन्डा अझै केही दिन नेपाल बस्ने छिन् । अभिनेत्री कोलिन्डा चलचित्रको प्रिमियरका लागि भनेर नेपाल आएकी हुन् ।
२०१७ मा मिस ग्लोबल नेदरल्यान्ड विजेता कोलिन्डाले २०१९ मा इजिप्टमा आयोजित मिस इको इन्टरनेशनलमा मिस इको क्यारेबियन टाइटल समेत जित्न सफल भएकी थिइन् । मिस ग्रान्ड बेल्जियम र मिस टप मोडल बेल्जियन नेसनल निर्देशक समेत रहेकी कोलिन्डाले युरोपियन र हलिउड फिल्ममा समेत अभिनय गरेकी छन् ।
शुक्रबार अर्थात् २० फागुनबाट प्रदर्शनमा आउने तयारीमा रहेको चलचित्र ‘लप्पन छप्पन २’ मुकुन्द भट्टले निर्देशन गरेका हुन् । स्वदेश र विदेशमा छायाङ्कन भएको चलचित्रमा अन्तरदेशीय ग्याङस्टर, राजनीति, अपराध र शक्तिको दूषित परिस्थितिलाई चित्रण गरिएको छ । शिव श्रेष्ठ, सौगात मल्ल, अर्पण थापा, अनुप विक्रम शाही, प्रकाश कुँवर,आना ढकाल, स्व.दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतका कलाकारको अभिनय छ ।
खिलेन्द्रराज तिमसिना प्रस्तुतकर्ता रहेको चलचित्रबाट शक्ति श्रेष्ठ, केरोलिन कोलिन्डा, सुपर गुरुङ, आना ढकाल, सृजना सिना, रन्जीत वन्तलगायतले अभिनयमा डेब्यु गर्दैछन् । चिजकुमार श्रेष्ठ, प्रकाश कुँवर, निर्मलकुमार मिश्र र सन्तोषचन्द्र भक्रेल निर्माता रहेको चलचित्रको सुरज अधिकारी र प्रजापति शिवाकोटी कार्यकारी निर्माता रहेका छन् ।
