काठमाडौँ। कान्तिपुर फिल्म एकेडेमीको फिल्म ‘म’ मा अभिनेता नरेन खड्काको ‘इन्ट्री’ भएको छ । केही साताअघि मुर्हत गरिएको फिल्ममा नरेन सोमबार अनुबन्धित भएका हुन् । चलचित्रको छायाँकन सोमबार बाट नै सुरु गरिएको छ।
हालै कर्णाली भेकको कथामा बुनीएको ‘बुलाकी’ फिल्मको सुटिङ सकाएका नरेन एकपछि अर्काे फिल्ममा ब्यस्त छन् । सुवर्ण थापाको निर्देशन रहेको ‘म’मा नरेनका साथमा निराजन प्रधान,सविन श्रेष्ठ,निशा अधिकारी,सरोज खनाल,सरिता लामीछाने,रुविना थापा,प्रमोद अग्रहरि लगायतको अभिनय छ । प्रकाश पुरीको लेखन रहेको फिल्मको निर्मातामा बिमला गुरागाइँ छिन् । फिल्मले सामाजीक कथा भन्ने जानकारी निर्देशक थापाले दिएका छन् । यही फिल्मबाट केही बर्षको ज्ञाप पछि अभिनेत्री द्धय सरिता लामीछाने र निशा अधिकारीको ठूलो पर्दामा कमब्याक भएको छ ।
