काठमाडौं, २९ मंसिर । कोरोना महामारीका कारण झण्डै डेढ वर्ष स्टेज कार्यक्रमहरु ठप्पजस्तै रहे । सांगीतिक कार्यक्रम विशेष स्टेज कार्यक्रम नहुँदा विशेषगरी स्रोता एवं दर्शकले रुचाएका गायक–गायिकाहरु फुर्सदमा रहे ।
कोरोना महामारी कम हुँदै गएसँगै विस्तारै स्टेज कार्यक्रमहरु हुन शुरु भयो । दशैं–तिहारको समयमा थुप्रै कलाकारहरुले स्टेज कार्यक्रमहरुमा प्रस्तुती दिए । पछिल्लो समय स्टेज कार्यक्रमले अझ गति लिएको छ ।
यतिबेला देशका विभिन्न जिल्लामा साना ठूला स्टेज कार्यक्रम (मेला महोत्सव, कन्सर्ट) भएका छन् । जसमा स्रोता एवं दर्शकले रुचाएका कलाकारहरु पुगेर प्रस्तुती दिईरहेका छन् । हिजोआज चलेका कलाकारहरुको फेसबुक आफू पुगेर सांगीतिक प्रस्तुती दिएका तस्वीरहरुले भरिन थालेका छन् ।
गायक प्रमोद खरेल, पशुपति शर्मा, प्रकाश सपूत, कमल खत्री, दुर्गेश थापा, खुमन अधिकारीदेखि मेलिना राई, अस्मिता अधिकारी, प्रीति आले, रचना रिमाल लगायतका दर्जनौं गायक–गायिकाहरु स्टेजमा ब्यस्त देखिन्छन् ।
तस्वीरहरु
-तस्वीरहरु : कलाकारहरुको फेसबुकबाट ।
