काठमाडौं, २३ मंसिर । चर्चित टेलिभिजन गायन रियालिटी शो ‘नेपाल आइडल सिजन ४’को प्रसारण शुरु भएको छ । बिहीबार राती ८ः३० बजेदेखि एपीवान एचडी टेलिभिजनबाट शोको प्रशारण शुरु भएको हो ।
अब प्रत्येक साता बिहीबार र शुक्रबार राती ८ः३० बजे ‘नेपाल आइडल सिजन ४’ एपीवान टेलिभिजनमा प्रसारण हुनेछ । त्यस्तै, नेपाल आइडलको युट्युबमा समेत सो लाइभ प्रशारण हुनेछ ।
बिहीबारको पहिलो भाग (एपिसोड वान)मा अडिसन राउण्ड प्रसारण गरिएको छ । फ्रेन्चाइज गायन रियालिटी शो ‘नेपाल आइडल’को अघिल्ला तीनवटै सिजनले निकै चर्चा बटुलेका थिए । ‘नेपाल आइडल सिजन ४’मा संगीतकार शम्भूजीत बासकोटा, गायक सुगम पोखरेल र गायिका सुबानी मोक्तान निर्णायकको रुपमा छन् ।
त्यस्तै, सिजन ४’मा आसिफ शाह र रेश्मा घिमिरे होस्टका रुपमा छन् ।
