काठमाडौं, मंसिर २१ । नेपाली चलचित्र ‘घामड शेरे’ युट्युबमा सार्वजनिक गरिएको छ । निश्चल बस्नेत र स्वस्तिमा खड्काको शीर्ष भूमिका रहेको चलचित्र सोमबार साँझ युट्युबमा सार्वजनिक गरिएको हो ।
हेमराज बिसीको कथा लेखन एवं निर्देशन रहेको चलचित्रमा निश्चल, स्वस्तिमाका अलावा गौरी मल्ल, सुष्मा निरौला, बालद भट्ट, लोकेन्द्र लेखक लगायतको अभिनय छ । चलचित्रको निर्मातामा हेमराज र सिमोस सुनुवार छन् ।
यो हलमा व्यवसायिक रुपमा असफल भएको चलचित्र हो । युट्युबमा भने यो चलचित्रले निकै राम्रो भ्युज पाउँदै गएको छ । सार्वजनिक भएको १५ घण्टामा ८ लाख भ्युज पाउँदै चलचित्रले युटयुब ट्रेन्डिङको ४ नम्बर स्थान ओगटेको छ ।
