रुचाईँदै दयाहाङ र मिरुना अभिनित ‘तिमी तारे भीर’

एक वर्ष अगाडि फिमेल भर्सनमा स्रोता एवं दर्शकको मन जितेको ‘तिमी तारे भीर’बोलको गीतको मेल भर्सनले पनि स्रोता एवं दर्शकको मन जितेको छ । गत शनिबार रेवत राईको स्वरमा सार्वजनिक गीतको भिडियोलाई युट्युबमा झण्डै १७ लाख पटक हेरिसकिएको छ । यो गीत यस साता युट्युबमा सर्वाधिक हेरिने गीत पनि हो ।

कवि एवं गीतकार श्रवण मुकारुङको शब्द रहेको गीतमा शान्तिराई राईको संगीत छ । किरण चाम्लिङ राईको निर्देशनमा तयार मेल भर्सनको भिडियोमा अभिनेता दयाहाङ राई र अभिनेत्री मिरुना मगरको अभिनय छ । त्यस्तै बाल कलाकारको रुपमा नूमा राईको अभिनय भिडियोमा हेर्न सकिन्छ ।

भुपेन्द्र तुम्बाहाम्फेको छायाँकन रहेको भिडियोलाई अनिल रानाले सम्पादन गरेका हुन् । गीतको अडियो र भिडियो दुबै मन परेको दर्शकले प्रतिक्रिया दिएका छन् ।