काठमाडौँ। चलचित्र ‘बुलाकी’ को अहिले डोल्पा जिल्लाको त्रिपुरा नगरपालिका सु गाउँ, लहरा लगायतका स्थानमा छायांकन भइरहेको छ । चलचित्र छायांकनका लागि निर्माण युनिट तिहार अगाडि त्यहाँ पुगेको हो । चलचित्रका निर्देशक लक्ष्मण सुनार हुन् ।
चलचित्रको हाल सम्म ३५ प्रतिशत छायांकन सकिएको निर्देशक सुनारले बताए । छत्रेश्वरी म्यानेजमेन्ट प्रालिको ब्यानरमा मोती बिष्टको प्रस्तुति र गोपाल बिष्ट निर्माता रहेको चलचित्रमा नरेन खड्का, सुरक्षा पन्त, नव अभिनेता बिराज बिष्ट, प्रकाश कँडेल, सरस्वती खत्री लगायतका कलाकारको मुख्य भुमिका रहेको छ ।
कर्णाली भेगको मौलिक कथा समेटिएर निर्माण थालिएको चलचित्रमा शिव ढकालको छायाँकन, श्रीकृष्ण बम मल्ल र बादल थापाको संगीत छ । रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, उपासना वाइवा, सोनु सेढाई, धनबहादुर राई, कमल गाउँले, अमित परियार लगायतको समेत अभिनय चलचित्रमा रहेको छ ।
