(सेलिब्रेटी नेपाल) ५ जेस्ठ-सिनेमा नबल इन्टरप्राईजेजको व्यानरमा निर्माण हुन लागेको चलचित्र राहदानीको आईतबार कमलादीस्थित गणेश मन्दिरमा शुभ साईत गरिएको छ ।लक्ष्मीप्रसाद ढकाल प्रस्तुतकर्ता रहेको फिल्मलाई चलचित्र पत्रकार डब्बु क्षेत्रीले निर्देशन गर्दैछन् । डब्बुको यो डेब्यु निर्देशन हो । नेपाली फिल्ममा नयाँ पुस्ताको बाहुल्यता बढेकाले यस पटक आफुले नयाँ पुस्तासँग काम गर्न लागेको प्रस्तुतकर्ता ढकालले जानकारी दिए । निर्देशक क्षेत्रीले नेपालीहरू विदेशीनु परेको समस्यालाई समेटेर कथा तयार पारिएको बताए । कार्यक्रममा नेपाल चलचित्र निर्माता संघका अध्यक्ष राजकुमार राईले राहदानीको कथा सशक्त भएकाले फिल्म राम्रो बन्नेमा आशा व्यक्त गरे ।
नेपाल चलचित्र निर्देशक समाजका अध्यक्ष दिनेश डिसीले भने,‘सञ्चारकर्मी क्षत्री बिगत दुई दशक देखि चलचित्र पत्रकारितामा सक्रिय भएको र चलचित्र निर्देशनमा समेत ग्राजुएसन गरेकाले उनले पक्कै राम्रो सिनेमा बनाउने छन् ।
७ जेठबाट महोत्तरीको बर्दीवासबाट छायाँकन सुरु हुने यो चलचित्रमा चेतन सापकोटा, बसन्त सापकोटा, जुगल डँगोलको संगीत, राजु शाहको नृत्य निर्देशन, रामशरण उप्रेतीको छायाँकन रहने छ । जसमा अशोक रिजाल, दयाहाङ राई, रुपा खनाल ‘विशाखा’ बिनिता घिमिरे, मोनिका दाहाल, विधा कार्की, दिनेश दुलाल, केशब घिमिरे, लक्ष्मण बिक्रम बस्नेत, अस्मिता बस्नेतको अभिनय रहने छ।
