काठमाडौं। अभिनेत्री नीता ढुंगानाको निर्माण तथा निर्देशन रहने वेव सिरिज ‘श्रीमद्धभागवद् गीता’को औपचारिक घोषणा गरिएको छ । शुक्रबार राजधानीमा आयोजित एक कार्यक्रमका वीच वेव सिरिजको घोषणासँगै सांगीतिक टिम पनि सार्वजनिक गरिएको हो ।
नीता फिल्मस्को दोश्रो प्रस्तुतिको रुपमा निर्माण हुन लागेको वेव सिरिजमा शित्तल गिरीको शब्द, पुष्पन प्रधानको संगीत तथा स्वर रहनेछ । कार्यक्रममा बोल्दै नायिका नीता ढुंगानाले नेपालमा पहिलो पटक भन्न लागेको ‘श्रीमद्धभागवद् गीता’को सिरिजमा महाभारतको कृष्ण र अर्जुनको पाटो मात्र समावेश हुने पत्रकार सम्मेलनमा नीताले बताइन् ।
कार्यक्रममा बोल्दै गीतकार तथा संगीतकार पुष्पन प्रधानले गीताको सार अनुसार संगीत तयार पार्ने बताए । गीतामा रहेको ७०० श्लोकबाट ४५ भागको सिरिज निर्माण हुनेछ । वेव सिरिज कोरियोग्राफी रामजी लामिछाने सम्पादकमा वनिष शाह रहेका छन् ।
