बर्षाको ‘ए साथी सुन’ को छायाँकन सुरु



काठमाडौंँ । अभिनेत्री बर्षा सिवाकोटीको मुख्य भूमिका रहेको चलचित्र ‘ए साथी सुन’ को छायाँकन सुरु भएको छ । मंगलबार हेटौडाबाट चलचित्रको छायाँकन सुरु भएको हो । अभिनेत्री बर्षाले क्ल्याप बोकेको एक तस्बिर सार्वजनिक गर्दै चलचित्रको छायाँकन सुरु भएको जानकारी दिएकी छन् । बिना कार्कीको निर्माण रहेको चलचित्रमा बर्षाको अलवा नव अभिनेता रमेश बानियाँको मुख्य भूमिका रहनेछ ।

श्रीआइभिएन प्रालिको ब्यानरमा निर्माण हुन लागेको चलचित्र प्रेमकथा र समसामयिक बिषयमा निर्माण हुन लागेको हो । मदनकृष्ण महर्जनको छायाँकन र ईश्वर घिमिरे प्रोडक्सन रहेको चलचित्रका निर्देशक राघव आचार्य रहेका छन् ।