काठमाडौं । दिपेन्द्र लामाको निर्देशनमा निर्माण भई रहेको चलचित्र ‘२ नम्बरी’को लकडाउनका कारण छायांकन रोकिएको थियो। अब चलचित्रको बाँकि छायाँकन चैत्र १५ गतेबाट सुरु गरिने निर्माता किरण नेपालीले जानकारी दिए । चलचित्र ‘२ नम्बरी’को निर्माताको रुपमा दीपक मनाङ्गे पनि जोडिएका छन् । दीपकले यसअगाडि चलचित्र ‘पोई पर्यो काले’मा पनि लगानी गरेका थिए ।
चलचित्र ‘२ नम्बरी’मा नायक दयाहाङ राई, पल शाह, नायिका वर्षा राउतको साथमा भुटानकी नायिका उगेन छोदनको मुख्य भूमिका छ । चलचित्रले २ मिल्ने साथीको कथा भन्नेछ । रेड वर्ड प्रोडक्शन र आरआरआर फिल्म प्रोडक्शनको ब्यानरमा रोहित कट्टेल र सरोज नेपाली यो चलचित्रमा निर्माताको रुपमा थिए । चलचित्रका कार्यकारी निर्माता रत्न श्रेष्ठ हुन् ।
