काठमाडौं। नेपाल तथा भारतमा आफ्नो प्रतिभाद्वारा सेलिब्रेटी हेयर स्टाइलिसको रुपमा स्थापित भैसकेका अन्तर्राष्ट्रिय हेयर स्टाइलिस नीलडेभिड कटवालले माघे संक्रान्तिका दिनलाई आफ्नो सपना पुरा भएको दिनको रुपमा चित्रण गरेका छन् ।
नीलडेभिडका १८ वर्षीय छोरा डेनियल कटवालले बुवाको सलून व्यवस्थापनलाई नया“ स्वरुप प्रदान गरेका छन्, त्यसैको उद्घाटन एक भव्य समारोहका बीच सम्पन्न भएको छ ।
उद्योगपति राजेन्द्र खेतान, गायक प्रमोद खरेल, गायिका ईन्दिरा जोशी, मोडल दीपक घिमिरे तथा सञ्चारकर्मी सुशिल नेपालले संयुक्त रुपमा रिबन काटेर उक्त सलूनको उद्घाटन गरेका हुन् ।
भारतको पुणेबाट सलोन म्यानेज्मेनट तथा फ्रेन्जाइज म्यानेज्मेनटमा उच्च शिक्षा हासिल गरेका डेनियलले सुन्धारास्थित यस काठमाडौं मलको पहिलो तल्लामा आफ्ना बुवाको सलूनको फ्रेन्चाइजी मोडललाई आफ्नै डिजाइनमा तयार पारेका हुन् ।
