केकी र बाबुको रोमान्स विश्व भरि सबैले हेर्न पाउने

(सेलिब्रेटी नेपाल) १८ बैशाख- चलचित्र सेन्सर बोर्डले नेपाली चलचित्रको सेन्सरमा झमेला झिक्ने गरेको गुनासो धेरै निर्माता बाट सुन्नमा आइ रहेकै हो । अधिकांश चलचित्रले सेन्सर बोर्डबाट झमेला महसुश गरेका छन् तर चलचित्र ‘बितेका पल’लाई भने सेन्सर बोर्डले युनिभर्सल सर्टिफिकेट दिएको छ । सेन्सर वोर्डबाट ‘वितेका पल’ लाई विश्वभरका जुनसुकै उमेर समुहका दर्शकले हेर्न मिल्ने गरी उक्त सर्टिफिकेट प्राप्त भएको हो । झन्झटिलो सेन्सर प्रक्रियाबाट आफ्नो सिनेमा मुक्त रहेको निर्माता राजेश घतानीले बताए । सुरज सुब्बा नाल्बोको लेखन तथा निर्देशन रहेको ‘वितेका पल’ मा केकी अधिकारी र बाबु बोगटीको मुख्य भूमिका रहेको छ । साथमा अभिनाष गुरुङ पनि नव प्रस्तुतीको रुपमा प्रस्तुत भएका छन् । हाई बजेटमा रहेर निमार्ण गरियको चलचित्र सफल हुनेमा निर्माण पक्ष ढुक्क देखियको छ ।