सौगात र सृष्टि अभिनित ‘तिन जन्तु’को टिजर सार्वजनिक (भिडियो)

काठमाडौँ। सौगात मल्ल र सृष्टि श्रेष्ठ स्टारर चलचित्र ‘तिन जन्तु’को टिजर सार्वजनिक गरिएको छ। अर्पण थापाले निर्देशन गरेको चलचित्रको पचास सेकेन्ड लामो टिजर सार्वजनिक गरिएको हो। चलचित्रमा सौगात र सृष्टिका अलावा अर्पण थापा,रविन तामाङ,कालु रानाको अभिनय रहेको छ। चलचित्रमा आलोक शुक्लाको छायाँकन,मिलन श्रेष्ठको सम्पादन रहेको छ।

चलचित्रले २०३० सालमा घटेको एउटा घटनालाई देखाउन खोजेको छ। हरि तामाङ,सन्तोष अधिकारी र केल्ली जोय मिलेर निर्माण गरेको चलचित्र पुष १७ गतेबाट सार्वजनिक प्रदर्शनमा आउनेछ। चलचित्रलाई रिच इन्टरटेन्मेन्ट, जि.जि.ए ग्रूप र एफ.डी कम्पनीले वितरण जिम्मा लिएको छ।