सेलेब्रिटी नेपाल असोज ३०-नेपाली चलचित्र को लिस्ट मा अर्को एउटा चलचित्र उमा थपिने कुरा को जानकारी सोमबार एक कार्यक्रम का बीच गराइयो निर्देशक छिरिङ रितार शेर्पाको अब बन्न लागेको चलचित्र को नाम हो उमा ।मिला प्रोडक्सन प्रा.लि..को प्रस्तुति रहेको सिनेमा उमा मा ऋचा शर्मा लिड रोल मा देखिने छिन् । ऋचा बाहेक सौगात मल्ल, दयाहाङ राई, निर्देशक तुलसी घिमिरे, अशोक शर्मा पनि सिनेमामा मेन रोलमा प्रस्तुत हुनेछन् । यस सिनेमामा अशोक शर्मा डिएसपीको भूमिकामा देखिने छन् भने तुलसी घिमिरे सिनेमा भित्र पनि निर्देशककै रुपमा प्रस्तुत हुँदै छन् ।निर्देशक छिरिङ स्वयम् र मुख्य सहायक निर्देशक छिरिङ छोदेनको कथामा निर्माण हुन लागेको उमा मा पुरुषोत्तम प्रधानको सिनेम्याटोग्राफी रहनेछ । सिनेमामा स्वर्गीय गोपाल योञ्जनको गीत समेत राखिने भएको छ । त्यस्तै अभय एण्ड स्टिम इन्जिन व्यान्डको संगीत पनि सिनेमामा राखिने भएको छ । चलचित्र को सुटिंग दशैं लगत्तै सुरु गरिने कुरा को जानकारी पनि उक्त कार्यक्रम मा गराइयो।
