सेलिब्रेटी नेपाल
काठमाडौँ: महिला प्रहरी जवानमाथि अभद्र व्यवहार गरेको आरोप लागेकी गायिका आस्था राउत प्रहरीसमक्ष उपस्थित भएकी छन् । उनी नातेदारसहित सोमबार बिहान टेकुस्थित महानगरीय प्रहरी परिसरको कार्यालयमा उपस्थित भएकी हुन् ।
अभद्र व्यवहारसम्बन्धी कसुरमा राउतविरुद्ध पक्राउ पुर्जी जारी भएको थियो । परिवारको समन्वयमा उनलाई साेमबार प्रहरीसमक्ष आत्मसमर्पण गराइएको हो ।
राउतलाई प्रहरीले स्वास्थ्य परीक्षणका लागि वीर अस्पतालमा लगेको छ । उनीविरुद्ध अभद्र व्यवहारसम्बन्धी कसुरमा मुद्दा चल्नेछ । प्रहरीले उनी आफैं उपस्थित भएर कमजोरी स्वीकाररेमा मुद्दा नचलाउने संकेत गरेको थियो ।
सामाजिक संजालमा आस्थाको बिषयलाइ लियर धेरैले बिभिन्न किसिमका टिका टिप्पणी गरि रहेका थिए । कतिले आस्थाको गल्ति छ भनि रहेका छन् भने कतिले प्रहरीको नै गल्ति छ भनि रहेका छन् । आस्था आफैं प्रहरी समक्ष गए पछि अब प्रहरीले केस कसरि अघि बढाउने छ त्यो चाहिं सबैको चासो बनेको छ ।
