सेलिब्रेटी नेपाल
काठमाडौँ: चलचित्र ‘म यस्तो गीत गाउँछु २’ को दोश्रो गीत ‘दुःखको काँडा’ सार्वजनिक गरिएको छ । यो गीतले प्रेमीले प्रेमिकाप्रति देखाएको मायाको भावलाई देखाएको छ । अर्जुन पोखरेलको संगीत, देवल भण्डारीको शब्द रहेको गीतमा सनिष श्रेष्ठले स्वर दिएका छन् । रामजी लामिछानेको कोरियोग्राफी रहेको यो गीतको भिडियोलाई सौरभ लामाले खिचेका हुन् । चलचित्रको गीतको भिडियोमा मुख्य कलाकारद्धय पल शाह र पूजा शर्मालाई फिचरिङ गरिएको छ ।
निर्माताद्धय सुदर्शन थापा र पूजा शर्माले भिडियो निर्माणमा कुनै कञ्जुस्याँई गरेका छैनन् । चलचित्रका निर्देशक सुदर्शन थापा हुन् । फागुन २३ गतेबाट सार्बजनिक प्रदर्शनमा आउने चलचित्रमा जन्म जय र साम्पाङ राई सह–निर्माताको रुपमा छन् । चलचित्रमा पल र पुजाको साथमा हरिहर शर्मा,दिनेश डिसी,राजा राजेन्द्र पोखरेल,गणेश गिरीको पनि मुख्य भूमिका रहेको छ।
