सेलिब्रेटी नेपाल
काठमाडौँ: गायक तथाा गीतकार हरि विष्टले आफ्नो जन्मदिनको अवसरमा धुर्मुस सुन्तली फाउण्डेशनले निर्माण गर्न लागेको गौतम बुद्ध अन्तर्राष्ट्रिय क्रिकेट रङ्गशालालाई ५१ हजार एक सय ११ रूपैयाँ र सुर्खेत उद्योग वाणिज्य संघको व्यावसायिक राहत अक्षय कोषलाई ५१ हजार एक सय ११ रूपैयाँ सहयोग गरेका छन् । उनले जन्मदिनको उपलक्ष्यमा सामाजिक कार्यका लागि जम्मा एक लाख दुई हजार दुई सय बाईस रुपैयाँ सहयोग घोषणा गरेका हुन् ।
‘मलाई आजकै दिन यो धर्तिमा पाईला टेकाउने मेरा भगवानरूपि आमा सेतु बिष्ट र बुवा धनबहादुर बिष्टको पाउमा सिर टेकाउँदै यो रकम सहयोग गर्न चाहन्छु,’ उनले भनेका छन् । नेपाली कला क्षेत्रमा सक्रिय रहेका हरि कलाकारका साथै खेलाडी हुन् । हरिका धेरै गीत स्रोता/दर्शकमाझ लोकप्रिय रहेका छन् ।
