सेलिब्रेटी नेपाल
काठमाडौँ:अष्ट्रेलिया निवासी निर्देशक मनोज अधिकारीले नयाँ चलचित्र ‘शुभ मंगल’ निर्देशन गर्ने भएका छन् । अष्ट्रेलियामा बस्ने एक जोडीको प्रेमसम्बन्ध र उतावचढावको कथालाई प्रस्तुत गरिने चलचित्रको अधिकांश दृश्य अष्ट्रेलिया र केही दृश्य नेपालमा खिचीने छ ।
संगम क्षेत्री र नारायण दत्त अधिकारी निर्माता रहेको ‘शुभ मंगल’ मा कुशल थापा र सुरवीना कार्की मुख्य भूमिकामा रहेका छन् । उनीहरुको साथमा बिकास चापागाईं,केपी शर्मा,आर्यन शर्मा,सदिक्षा पाण्डे लगायतका कलाकारले अभिनय गर्ने निर्देशक अधिकारीले जानकारी दिएका छन् ।
देउराली फिल्मस्को ब्यानरमा निर्माण हुने चलचित्रको स्क्रिप्ट पनि निर्देशक अधिकारी स्वयम्ले लेखेका हुन् । चलचित्रबारे केही समयपछि औपचारिक जानकारी दिइने बताइएको छ । केही समयभित्रै सुटिङ थालीने चलचित्रका अन्य कलाकार तथा प्राबिधिकको हाल चयन भइरहेको बताइन्छ ।
