सेलिब्रेटी नेपाल
काठमाडौँ:आर्यन सिग्देल र मिरुना मगर स्टारर चलचित्र ‘च च हुई’को दोस्रो गीत सार्वजनिक गरिएको छ । आइटम गीत ‘जवानी’ बोलको गीतमा चलचित्रका मुख्य कलाकार आर्यन सिग्देलको साथमा एलिसा शर्मालाई फिचर्ड गरिएको छ । आइतबार घटस्थापनाको अवसर पारेर इन्टरनेटमा रिलिज गरिएको हो ।रोशन थापाको संगीत तथा निर्देशक साम्तेन भुटिया र विनय सापकोटाको शब्द रचना रहेको गीतमा संगीतकार थापा र सुमन गुरुङको स्वर छ । शिशिर खातीको कोरियोग्राफी रहेको गीतको भिडियोको छायाँकन सुसन प्रजापतीले गरेका हुन् । एजिएल इन्टरटेनमेन्टको व्यानरमा निर्मित चलचित्रमा अमृत लामाकै लगानी छ ।
साम्तेन भुटिया निर्दे्शित चलचित्रमा आर्यनका अलवा मिरुना मगर, भोलाराज सापकोटा, माओत्से गुरुङ, पुस्कर गुरुङ, बबिता मल्ल लगायतका कलाकारको अभिनय छ । सुशन प्रजापतिले खिचेको चलचित्रको सम्पादन समेत निर्देशक भुटियाले नै गरेका छन् । चलचित्र मङ्सिर ६ गतेबाट प्रदर्शनमा आउनेछ ।
