सरौतो टिजर सार्बजनिक, सुमीको एक्सन अवतार

सेलिब्रेटी नेपाल

काठमाडौँ: चलचित्र’सरौतो’को टिजर सार्बजनिक गरिएको छ । सार्बजनिक टिजरमा भरपुर एक्सन दृश्य समाबेश गरिएको छ । सुनी मोक्तानले साइलेन्स किलर गर्लको भूमिका निर्वाह गरेकी छिन् । रिभेन्जको कथा भन्ने चलचित्रलाई हरि हुमागाईंले निर्देशन गरेका हुन् । टिजरमा मुख्य कलाकार विजय लामा, सन्नी सिंह, धिरेन शाक्य लगायत पनि अटाएका छन् । चलचित्रमा समाबेश एक गीत सार्बजनिक भईसकेको छ ।

राघव कृष्ण गौतमको कथा, पटकथा र संवाद रहेको चलचित्रमा युवराज लामा, आमिर गौतम, लेओ टंक, सम्पदा दाहाल, अरुणा कार्कीको पनि अभिनय छ । विर्जना इन्टरटेनमेन्टको ब्यानरमा निर्माण भएको सिनेमाकी कार्यकारी निर्माता सिर्जना जोशी हुन् । शंकर महर्जनको द्धन्द्व निर्देशन, निमेश श्रेष्ठको सम्पादन रहेको चलचित्रलाई बिके फिल्मस् र एफ डि कम्पनीले प्रदर्शनको जिम्मेवारी सम्मालेका छन् । चलचित्र कार्तिक २२ गते बाट सार्बजनिक प्रदर्शनमा आउने तयारीमा रहेको छ ।