काठमाडौं । अभिनेता आयुष्मान देशराज जोशी र अभिनेत्री शिल्पा मास्केको प्रमुख भूमिका रहेको चलचित्र ‘सानो मन’ को अफिसियल ट्रेलर सार्वजनिक गरिएको छ ।
सार्वजनिक ट्रेलरमा आयुष्मान र शिल्पाबिचको प्रेम, रोमान्स र बिछोडको कथा समेटिएको छ ।
लभस्टोरी कथामा निर्माण भएको ‘सानो मन’लाई सुयोग गुरुङले निर्देशन गरेको हुन् । उनको यो डेब्यू निर्देशन हो । चलचित्रमा गौरी मल्ल, विशाल पहारी, शिशिर वाङदेल, रश्मी भट्ट लगायतको अभिनय रहेको छ । ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा बनेको चलचित्रको निर्मातामा योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर छन् । समिर सुनवार र निर्देशक गुरुङ स्वयंमले मिलेर लेखेको चलचित्रलाई आलोक शुक्लाले खिचेका हुन् । चलचित्रमा मिलन श्रेष्ठको सम्पादन रहनेछ ।
असार २० गतेलाई चलचित्रको प्रदर्शन मिति घोषणा गरिएको छ ।
