सेलिब्रेटी नेपाल
काठमाडौँ: दर्शकको मन जित्न सफल चलचित्र ‘प्रेमगीत’ को तेस्रो सिरिज ‘प्रेमगीत ३’ को अफिसियल घोषणा गरेका छन् । चलचित्रको घोषणासँगै फस्टलुक पोष्टर र प्रदर्शन मिति सार्बजनिक गरेका छन् । चलचित्र नयाँ वर्ष २०७७ को अवसर पारेर चैत्र २८ गतेबाट सार्बजनिक प्रदर्शनमा आउनेछ ।
आशुसेन फिल्मस् प्रोडक्सनको व्यानरमा निर्माण हुने यो चलचित्रलाई निर्देशक छेतेन गुरुङ र सन्तोष सेनले संयुक्त रुपमा निर्देशन गर्नेछन् । सार्वजनिक फस्टलुकले चलचित्र पिरियड ड्रामामा निर्माण हुन लागेको बुझ्न सकिन्छ । चलचित्रको सम्पुर्ण जानकारी केहीदिनमा पत्रकार सम्मेलन आयोजना गरि जानकारी दिने निर्माता सेनले बताए । सेनले यसअघि ‘चंखे शंखे पंखे’, ‘प्रेमगीत’, ‘प्रेमगीत २’ र ‘मेरी मामु’ लगायतका चलचित्र निर्माण गरिसकेका छन् । चलचित्रमा अभिनय गर्ने कलाकार र अन्य प्राविधिकको बारेमा जानकारी गराईएको छैन ।
