सेलिब्रेटी नेपाल
काठमाडौँ: अनमोल केसी स्टारर ‘ए मेरो हजुर ३’ को ट्रेलर सार्वजनिक गरिएको छ । बुधबार निर्देशक तथा अभिनेत्री झरना थापाको जन्मदिनको अवसर पारेर चलचित्रको ट्रेलर सार्वजनिक गरिएको हो । चलचित्रको ट्रेलर युट्युबमा भने बिहिबार सांझ मात्र सार्वजनिक गरिएको हो । सार्वजनिक ट्रेलरमा मुख्य कलाकार अनमोल केसी र डेव्यु गर्ल सुहाना थापाको केमेष्ट्री उत्कृष्ट देखिएको छ । सार्वजनिक ट्रेलरमा चलचित्रका सम्पुर्ण मुख्य कलाकारलाई स्थान दिइएको छ । स्टार र फ्यानविचको साँगीतीक प्रेमकथामा निर्माण भएकोचलचित्रलाई अभिनेत्री झरना थापाले निर्देशन गरेकी हुन् । चलचित्रलाई सुनिल कुमार थापाले निर्माण गरेका हुन् ।
सुहाना इन्टरटेनमेन्टको व्यानरमा निर्माण भएको चलचित्रमा अनमोल र सुहानाका अलवा अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ । सिनेमामा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ । ‘ए मेरो हजुर ३’ आगामी नयाँ वर्षको अवसर पारेर चैत्र २९ गतेबाट सार्बजनिक प्रदर्शनमा आउनेछ।
