सेलिब्रेटी नेपाल
काठमाडौँ: चलचित्र ‘यात्राः अ म्युजिकल भ्लग’ को ट्रेलर सार्वजनिक गरिएको छ । सोमबार राजधानी काठमाडौं एक कार्यक्रमकावीच चलचित्रको ट्रेलर सार्बजनिक गरिएको हो । यात्राको क्रममा आउने उतार चढाव र माया, प्रेम र द्धन्द्वको कथाचलचित्रले उठान गरेको छ । अभिनेता सलिनमान बनियाँले एक भ्लगरको भुमिका निर्वाह गरेका छन् ।चलचित्रको सार्वजनिक ट्रेलरमा चलचित्रका सम्पुर्ण कलाकारलाई स्थान दिइएको छ । यो चलचित्रलाई सम्राट शाक्यले निर्देशन गरेका हुन् । यो उनको डेव्यु निर्देशकीय चलचित्र हो । चलचित्र को कथा पनि सम्राट आफैले लेखेका हुन् ।
कोटकी कालिका देवीफिल्म्स प्राइभेट लिमिटेड, क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको चलचित्रका प्रस्तुतकर्ता केशव भट्टराई र चिज कुमार श्रेष्ठ हुन् । चलचित्रमा बिक्रम पराजुली, मुक्ति तिम्सिना र राम शरण घिमिरे सह निर्माताको रुपमा रहेका छन् । चलचित्रका निर्माता सुशील पोखरेल र कार्यकारी निर्माता सर्जुमान लिगल हुन् ।
‘यात्रा’मा सलिनमान बनियाँका अलवा मलिका महत, सलोन बस्नेत, प्रेक्षा बज्राचार्य, रेयर राई, जान्वी बस्नेत, विशाल कटुवाल, जयनन्द लामा, धिरेन शाक्य, राजाराम पौडेल, विशाल कटवाल, समृद्धि राई, योगेश जंग कुँवर, इश्वर पौडेल, नानीकाजी डंगोल, राजेश बिसुराल, इश्वर पौडेल, बिशाल पहाडी, प्रजोल भट्टराई, देशभक्त खनाल, कमल मैनाली, सौगात शर्मा लगायतका कलाकारको अभिनय रहेको छ ।
यसका साथै विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । चलचित्रमा बाल कलाकारको रुपमा अंकित संग्रौला र एन्जल राई रहेका छन् । चलचित्रमा सञ्जय लामाको छायांकन, कविराज गहतराज र प्रविन सिंहको कोरियोग्राफी, हिमाल केसीको द्वन्द, वरिष्ठ संगीतकार शम्भुजित बास्कोटा, प्रतिक पौडेल र कोविद बज्रको संगीत, बनिश शाहको सम्पादन रहेको छ । चलचित्र आगामी नयाँ बर्षको अवसरमा चैत्र २९ गते बाट सार्बजनिक प्रदर्शनमा आउनेछ ।
