सेलिब्रेटी नेपाल
काठमाडौँ: रामबाबु गुरुङ निर्देशित चलचित्र चलचित्र ‘साइँली’ को अफिसियल ट्रेलर सार्वजनिक गरिएको छ । आइतबार राजधानीमा आयोजीत एक कार्यक्रमका बीच को चलचित्रको ट्रेलर सार्वजनिक गरिएको हो । पैसाको अभावले परिवारमा आउने उतार चढावको कथा चलचित्रले उठान गरेको छ । २०१७ को सुपरहिट गीत ‘साइँली’को नाम सापटी लिएर चलचित्र निर्माण गरिएको हो । सार्वजनिक ट्रेलरमा चलचित्रका मुख्य कलाकारलाई स्थान दिइएको छ ।
जिएच इन्टरटेनमेन्टको व्यानरमा निर्माण भएको चलचित्र लाइ गायक हेमन्त राना र गौरव पहारीले मिलेर निर्माण गरेका हुन् । चलचित्रमा गौरव पहारी,दयाहांग राइ,मेनुका प्रधान,इस्टु कार्की,माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको मुख्य भुमिका रहेको छ ।
विशाल गुरुङ र मोहन राना मगरको लगानी रहेको चलचित्रमा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । भने चलचित्रका कार्यकारी निर्माता मणिराम पोखरेल हुन् । चलचित्रमा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ । चलचित्र चैत्र १५ गतेबाट सार्बजनिक प्रदर्शनमा आउने छ ।
