सेलिब्रेटी नेपाल
काठमाडौँ: झरना थापा निर्देशित चलचित्र ‘ए मेरो हजुर ३’ को टिजर सार्बजनिक गरिएको छ । ज्योतिषको समय अनुसार सरस्वती पुजा अर्थात श्री पञ्चमीको अवसर पारेर चलचित्रको टिजर सार्वजनिक गरिएको हो । सार्वजनिक टिजरमा चलचित्रका मुख्य कलाकार अनमोल केसी र डेव्यु अभिनेत्री सुहाना थापालाई स्थान दिइएको छ ।
सुनिल कुमार थापा प्रोडक्सनको ब्यानरमा निर्माण भएको चलचित्र ‘ए मेरो हजुर ३’ मा अनमोल र सुहानाका अलवा सरोज खनाल, अपर्ण थापा, सलोन बस्नेत, रविन्द्र झा, रक्षा गौतम, रुपा घिसिङ लगायतका कलाकारको अभिनय रहेको छ ।
चलचित्रमा सुमन पौडेल र अभिनेत्री तथा निर्देशक थापाको कथा, सञ्जय लामाको छायाँकन, आशिष अविरल, कोशीस क्षेत्री, प्रतिक पौडेल र कल्याण सिंहको संगीत, कविराज गहतराज, रामजी लामिछाने, प्रविण सिंह र राहुल शाहको कोरियोग्राफी, हिमाल केसीको द्धन्द्व, बनिष शाहको सम्पादन रहेको छ । चलचित्र नयाँ बर्षको अवसर परेर चैत्र २९ गते बाट प्रदर्शनमा आउनेछ ।
