सेलिब्रेटी नेपाल
काठमाडौँ: विगत लामो समयदेखि हङकङलाई कर्मथलो बनाइरहेका सुन्दरहरैचा नगरपालीका–६, मोरङ निवासी राजु राईले गरिव तथा असहाय परिवारलाई आफ्नो जन्मदिनको अवसर पारेर व्ल्याङकेट कपडा वितरण गरेका छन् । बिगत दुइ दशक देखि हङकङ बसेर नेपाली कला संस्कृति तथा नेपाली चलचित्रलाइ प्रबर्धन र प्रोमोसनमा लागि रहेका राइ लोहोरुङ्ग लाम्सोंग (राजु राइ) ले थुप्रै गीतको शब्द पनि लेखि सकेका छन् । उनले नेपाली साथ साथै भाषा भाषिका गीत पनि रचना गरेका छन् । उनि हङकङमा हुने विभिन्न सांगीतिक कार्यक्रम तथा नेपाली चलचित्र प्रदर्शनीमा सक्रिय छन् ।
द युथ क्लब हङकङको अध्यक्ष,इटहरी मंच हङकङको अध्यक्ष, राई ययोख्खा हङकङको केन्द्रिय सदस्य तथा चलचित्र एसोसिएसन हङकङ को अध्यक्ष रहेका राइ नेपाली कला र चलचित्र क्षेत्रको प्रबर्धन र विकासको लागि निरन्तर लागि परेका छन् ।
राईले आफ्नै जन्मथलोमा रहेको मुसहर बस्तीमा जन्मदिनको अवसर पारेर एक समारोहकाबीच ब्लाङकेट वितरण गरेका हुन । उक्त समारोहमा नेपाली कांग्रेसका प्रभावशाली नेता तथा केन्द्रिय सदस्य डा. शेखर कोइराला, वडा नं. ६ का वडा अध्यक्ष जिवन राईलगायत स्थानीय समाजसेवी तथा स्थानीयवासीहरुको उपस्थिती रहेको थियो ।
राईले १ सय ५० घर मुसहर बस्तीलाई प्रतिघर ५ वटाका दरले ब्ल्याङकेट वितरण गरेको बताए । ‘आफ्नो जन्मभूमिका गरिव तथा असहाय परिवारलाई थोरै न्यानो भएपनि बाढन पाउदा धेरै खुसी लागेको छ’ राईले भने–‘आगामी दिनमा पनि समाजका लागि यस प्रकारका सहयोग गरि नै रहनेछु ।’
