सेलीब्रेटी नेपाल फागुन ९ गते-एक्सन सस्पेन्स धारमा निर्माण गरिएको चलचित्र ‘सुपारी’ चैतमा प्रदर्शन हुने भएको छ। चलचित्र सम्पादनको अन्तिम चरणमा पुगेको निर्देशक शिव घिमिरेले जानकारी दिएका छन्। निर्देशक घिमिरेले अहिले बनिरहेकाभन्दा नयाँ कथावस्तुमा सिनेमा बनेको दाबी गरेका छन्। हेराकुमारी श्रेष्ठले निर्माण गरेको यस चलचित्रलाई राजेन्द्र श्रेष्ठ र सूर्य किरणले सगीतबद्ध गरेका हुन। चलचित्रमा कविराज र राकेश शाहीको कोरियोग्राफी, सम्राट् बस्नेतको एक्सन, महेन्द्र श्रेष्ठको सिनेमाटोग्राफी रहेको छ। सुमन चापागाईको सहनिर्देशन रहेको ‘सुपारी’मा गजीत बिष्ट, झरना थापा, रमेश शाही, विकेश शाही, सपना श्रेष्ठलगायतका कलाकारको मुख्य भूमिका रहेको छ। नायक गजितले यो चलचित्रले आफूलाई नयाँ उचाइ दिलाउने विश्वास व्यक्त गरेका छन्।
