सेलिब्रेटी नेपाल काठमाडौँ
फ्राईडे रिलिज अन्तर्गत कुनै समय एकै दिन चार नेपाली चलचित्र सम्म प्रदर्शनमा आउने गर्दथे तर आज कुनै नयाँ नेपाली चलचित्रले आफ्नो प्रदर्शन सुरु गरेनन । घटस्थापनाको दिनबाट प्रदर्शनमा आएको चलचित्र ‘छक्का पन्जा ३’ र फूलपातीको दिन बाट प्रदर्शनमा आएको चलचित्र ‘जय भोले’ ले राम्रो व्यापार गरि रहेका छन् । अब आज बाट पनि सबै मल्टिप्लेक्स तथा सिंगलमा यी दुइ चलचित्रले नै निरन्तरता पाएका छन् ।
दीपाश्री निरौला निर्देशित चलचित्र ‘छक्का पन्जा ३’ ले दुइ हप्तामा १३ करोड भन्दा बढीको व्यापार गरेको रिपोर्ट सार्बजनिक भएको छ भने अशोक शर्मा निर्देशित चलचित्र ‘जय भोले’ ले एक हप्तामा ३ करोड भन्दा बढीको व्यापार गरेको रिपोर्ट सार्बजनिक भएको छ । अझै अबको एक हप्ता यी दुइ चलचित्रले हल न छाड्ने भए पछि दुवै चलचित्रको ब्यापारमा अझै प्लस हुने छ । अर्को शुक्रबार अर्थात् कार्तिक १६ गते बाट भने दुइ चलचित्र प्रदर्शनमा आउने छन् । रेखा थापाको चलचित्र ‘मालिका’ र माधब वाग्लेको चलचित्र ‘चंगा चेट’ एक साथ प्रदर्शनमा आउने छन् ।
कार्तिक ९ गते अर्थात् आज बाट प्रदर्शनमा आउने भनेको चलचित्र ‘चौका दाउ’ ले आफ्नो प्रदर्शन मिति पर सारेको छ चलचित्र अब माघे संक्रान्तिको छेकोमा प्रदर्शनमा आउने भएको छ ।
