कलाकार संघका अध्यक्ष राम केशर बोगटीको निधन


सेलिब्रेटी नेपाल काठमाडौँ
चलचित्र कलाकार संघका अध्यक्ष राम केशर बोगटीको ५८ बर्षको उमेरमा निधन भएको छ । टिकाथली स्थित निवास नजिक रुख काट्ने क्रममा रुखसँगै पोल ढलेर घाइते भएका उनको बि एन्ड बि अस्पताल लैजादै गर्दा वाटोमै निधन भएको हो ।

वोगटीसँगै अर्का एक व्यक्ति पनि घाइते भएका थिए । यद्यपी उनी अहिले खतरामुक्त रहेको बताईएको छ । वोगटीले ३ वर्षअघि भएको चुनावमा भारती मतले विजयी भएका थिए । उनका प्रतिद्धन्द्धी लय संगौलाले १ सय ६०, विशाल विष्टले २० र रामकेशरले २ सय ३८ मत ल्याएका थिए । अस्पताल पुर्‍याएलगत्तै अस्पतालले उनको निधनको पुष्टि गरेको हो ।

२ वर्ष अगाडि चलचित्र कलाकार संघको अध्यक्षमा निर्वाचित भएका बोगटी ‘स्वाभिमान’ र ‘माया गर ल’ चलचित्रका निर्माता समेत हुन् । उनले दर्जन बढी चलचित्र तथा टेलिसिरियलमा अभिनय गरेका छन् ।

सेलिब्रिटी नेपाल.कम

सूचना तथा प्रसारण विभाग दर्ता नम्बर ५३७ – २०७३ / ०७४

संचालक / प्रकाशक: कल्पना सापकोटा
सम्पादक: आनन्द अधिकारी
समाचार प्रमुख: रघुनाथ सापकोटा
सम्पर्क:
call/whatsapp: +977 9851071873 | email: celebritynepal@gmail.com

Supported by Glamour Nepal | Shopping Partner: Kavya Online Store

Copyright © 2012 - 2025 | All Right Reserved.