सेलिब्रेटी नेपाल काठमाडौँ
अनमोल केसी स्टारर चलचित्र ‘क्याप्टेन’को प्रदर्शन मिति तय गरिएको छ । फागुन १८ का लागि चलचित्रको प्रदर्शन मिति तय गरिएको हो । यसअघि विभिन्न मितिमा चलचित्र प्रदर्शन हुने भनिएपनि अफिसियल प्रदर्शन मिति भने सार्वजनिक गरिएको थिएन ।
भिएफएक्सका कारण केहि समय लाग्ने र भिएफएक्स गर्ने टिमले त्यो डेटसम्ममा सम्पुर्ण काम सक्ने जानकारी दिएकोले फागुनमा प्रदर्शनको मिति तय गरिएको निर्माता भुवन केसीले जानकारी दिए ।
दीवाकर भट्टराईको निर्देशन रहेको चलचित्रमा अनमोल केसीको मुख्य भुमिका रहेको छ । अनमोल चलचित्रमा फुटबल खेलाडीका रुपमा देखिएका छन् । चलचित्रमा अनमोलसँगै उपासना सिंह ठकुरी, प्रियंका एमभी, सुनिल थापा, सरोज खनाल, प्रशान्त ताम्राकार, विल्सन विक्रम राई लगायतका कलाकारहरुको अभिनय रहेको छ ।
