सेलिब्रेटी नेपाल काठमाडौँ
संचिता लुइंटेल स्टारर चलचित्र ‘गुनगुन’ को अफिसियल पोस्टर सार्वजनिक गरिएको छ । पोस्टरमा चलचित्रका मुख्य पात्रहरुलाई समेटिएको छ भने यसको कथासारलाई पनि झल्काउने प्रयास गरिएको छ । पोस्टर सार्वजनिक गर्दै चलचित्रले प्रचार प्रसारलाई अगाडि बढाएको छ । यसमा प्रेम सँगै सामाजिक कथालाई पनि समेटिएको यसका निर्देशक पुकार भट्टाराईले बताएका छन् । पुराना कलाकार पुकारले ‘गुन गुन’ मार्फत निर्देशनमा डेब्यु गर्दै छन् ।
प्राथना फिल्म्सको प्रस्तुतिमा तयार भएको चलचित्रमा संचिता लुइँटेल, रविन्द्र प्रताप सेन, सुवास मेचे, नविन श्रेष्ठ, गणेश जिसी, देशभक्त खनाल, अनु भण्डारी लगायत कलाकारको मुख्य भूमिका रहेको छ । चलचित्रमा हिमाल केसीको द्वन्द, अर्जुन जिसीको सम्पादन र सौरभ लामाको छायांकन रहेको छ । चलचित्र आउँदो कात्तिक ३० गते बाट प्रदर्शनमा आउने छ ।
