सेलिब्रेटी नेपाल काठमाडौँ
असोज १९ गतेलाई प्रदर्शन मिति घोषणा गरिएको चलचित्र ‘निर्जला’ को ट्रेलर सार्वजनिक गरिएको छ । ट्रेलरमा वैदेशिक रोजगारीले समाजमा पारेको प्रभावसँगै त्रिकोणात्मक प्रेम देखाइएको छ । राजु गिरी निर्देशित चलचित्रमा किशोर खतिवडा, शुभेच्छा थापा, निक शर्मा, श्याम राई, पल्पसा डंगोल, रश्मी भट्ट, राजकुमार थापालगायतको अभिनय रहेको छ । प्रकाशचन्द्र न्यौपाने निर्मित ‘निर्जला’ ले गाउँले परिबेशको कथा बोल्ने बताईएको छ ।
चलचित्रमा अशोक खड्काको द्वन्द्व, कमल राईको नृत्य तथा रवि कोइरालाको छायांकन रहेको छ । निर्देशक गिरी आफूले निर्देशन गरेका अन्य चलचित्रभन्दा ‘निर्जला’ फरक रहेको बताउँछन् ।
