सेलिब्रेटी नेपाल एजेन्सीको सहयोगमा
साउथ फिल्म उद्योगमा धेरै यस्ता हास्य कलाकार छन् जसले आफ्नो हास्य कलाको बलमा दर्शकहरुको भीडलाई हलसम्म डोहोर्याउने गर्छन् । तर साउथ फिल्मको लगभग कुनै पनि फिल्ममा नछुट्ने कमेडियन ब्रम्हानान्दम एकजना यस्ता कलाकार हुन् जसले फिल्मका हिरो हिरोइन लगायतका प्रमुख चरित्रलाई पनि पछि पार्ने गरेका छन् ।
उनको फ्यानहरुको आकाशिंदो वृद्धि यति धेरै छ कि त्यसले गर्दा प्रत्येक फिल्ममा उनलाई कास्ट गर्न निर्देशक निर्माता उत्साहित हुन्छन् । कमजोर आर्थिक अवस्थाको पृष्ठभूमि भएको परिवारबाट आएका उनको शिक्षाको कुरा गर्ने हो भने उनी मानविकीमा स्नातककोत्तर तह उत्तीर्ण छन् ।
शिक्षकको रुपमा करियर शुरु गरेर साउथ फिल्ममा कमेडि किंगको पहिचान बनाएका उनको नाम गिनिज बुक अफ वर्ल्ड रेकर्डमा पनि सामेल भई सकेको छ । उनले आफ्नो दुई दशक लामो फिल्मी करियरमा एक हजारभन्दा धेरै फिल्ममा काम गरिसकेका छन् । आज उनी ३२० करोड रुपयाँ सम्पत्तिका मालिक हुन् ।तपाईलाई यो विश्वास नलाग्न सक्छ कि उनी फिल्मका लागि एक करोड रुपैयाँ चार्ज लिन्छन् । साउथ सिनेमामा कुनै कमेडियनलाई यति धेरै शुल्क मिल्नु कुनै आम कुरा हैन । ब्रम्हानान्दम प्रत्येक २४ घण्टामा पाँच लाख रुपैयाँ कमाउँछन् । साथै उनको साथमा धेरैवटा लग्जरी गाडीहरु पनि छन् ।
१९९० देखि २००५ बीचमा आएका लगभग अधिकांश फिल्महरुमा उनले काम गरेका छन् । आज पनि उनका लागि धेरै फिल्महरु उनको सहमतिलाई कुरेर बसिरहेका छन् ।
