काठमाडौं । नायक प्रदीप खडका र नायिका जसिता गुरुङको जोडी फेरी पर्दामा देखिने भएको छ । चलचित्र ‘लिलिबिली’मा बाधिएको जोडी नयाँ चलचित्रमा पनि बाँधिने भएको छ ।
निर्माता तथा वितरक गोबिन्द शाहीको निर्माण तथा उज्ज्वल घिमिरेको निर्देशनमा बन्न लागेको चलचित्र ‘लभ स्टेशन’मा यो जोडी पुन देखिने भएको हो । यो जोडीको चलचित्र ‘लिलिबिलि’ दर्शकले मन पराएका थिए ।
लण्डन निवासी जसिता चलचित्रको वर्कशपमा सहभागी हुन नेपाल आइसकेकी छिन् । नेपाल आएलगत्तै उनी वर्कशपमा व्यस्त भएको जनाईएको छ । तर, निर्माण पक्षले यो ‘लभ स्टेशन’मा जसिता पक्का भएको कुरा अहिले सार्वजनिक गर्न चाहेको छैन् ।
चलचित्रमा जसिताका साथमा अर्की एक नायिकाको पनि मुख्य भूमिका रहने बुझिएको छ । चलचित्रका लागि नायिका साम्राज्ञी राज्यलक्ष्मी शाहलाई अफर गरिएको चर्चा छ । तर निर्माण युनिटले यसबारे आधिकारिक पुष्टि गरेको छैन ।
लभ स्टोरी जनरामा निर्माण हुने यो चलचित्रको सम्पूर्ण छायाँकन विदेशमा गरिनेछ ।
